Gucci Memoire d’une Odeur парфем за мажи и жени

За производот:

За најновото лансирање на Gucci, италијанската куќа одлучи да се движи повеќе во универзална насока. Gucci Mémoire d’une Odeur, третиот официјален мирис создаден под креативната насока на Alessandro Michele, е исто така и неговиот прв родово-неутрален парфем, парфем наменет за мажи и за жени. Мирисниот профил на Gucci Mémoire d’une Odeur се состои од: горни ноти на камилица од Рим, ноти на индиски јасмин – ексклузивна состојка на Gucci набрана во Индија со помош на мастер парфимерот Alberto Morillas, како и ноти на ванила, мошус и сандалово дрво во основата. Парфемот е инспириран од способноста на мирисот да активира спомен и да ве врати назад во времето. Alessandro Michele открил старо шишенце од парфем Gucci, па токму тоа го инспирирало за дизајнот на новиот Gucci Mémoire d’une Odeur. Со форма на антички столб, шишенцето прикажува рафинирана силуета во тешко стакло во светло зелена боја и капаче во златна боја. Симболизирајќи ѕвездено небо, кутијата на парфемот е декорирана со прекрасен небесен свод, инспириран од сликите на римските и готски цркви од средниот век и ренесансата во Европа. Оваа посебна шара потсетува на фреските на Giotto во капелата Scrovegni во Падова.

За брендот:

Брендот Gucci бил основан во 1921 година од страна на Guccio Gucci. Инспириран од патниците и нивниот багаж кој го носеле со себе и нивниот престој во Хотел Савој, местото каде што работел Guccio Gucci, тој се враќа во Фиренца со идеја да внесе елеганција во патничкиот багаж на богатите луѓе. Патничките торби биле изработувани од висококвалитетна кожа и до почетокот на шеесеттите години производите на Gucci биле познати во целиот свет. Првиот мирис на Gucci бил претставен во 1974 година,а до денес овој бренд има лансирано над 50 различни мириси.

Рок на траење по отварање на производот: 36 месеци