Gucci

Gucci Bloom Eau de parfum for women

За производот:Италијанската модна куќа, Gucci, го лансираше својот нов парфем, Gucci Bloom, првиот мирис креиран од страна на новиот креативниот директор, Alessandro Michele. Gucci Bloom е необичен цветен мирис, зад чија композиција се потпишува парфумерот Alberto Morillas. Белото цвеќе, како што е туберозата и природниот Самбак јасмин, се помешани со дрвенестите ноти на корен од ирис и ноти од кинеската билка Орлови нокти (Combretum indicum), како и рангун ползавец, растение кое расте во Индија и кое за прв пат се употребува во парфем. Заштитни лица на кампањата се актерката Dakota Johnson, уметницата Petra Collins и манекенката Hari Nef. Кампањата ја изработи Glen Luchford. Обоеното шишенце во винтиџ розева нијанса е украсено со едноставна етикета со името на брендот, додека пакувањето го краси принт со црвено-бела боја.За брендот:Брендот Gucci бил основан во 1921 година од страна на Guccio Gucci. Инспириран од патниците и нивниот багаж кој го носеле со себе и нивниот престој во Хотел Савој, местото каде што работел Guccio Gucci, тој се враќа во Фиренца со идеја да внесе елеганција во патничкиот багаж на богатите луѓе. Патничките торби биле изработувани од висококвалитетна кожаидо почетокот на шеесетите години производите на Gucci биле познати во целиот свет. Првиот мирис на Gucci бил претставен во  1974 година а до денес овој бренд има лансирано над 50 различни мириси.Рок на траење по отварање на производот: 36 месеци