Roberto Cavalli парфем за жени

Roberto Cavalli лансираше нов мирис во 2012 година, едноставно наречен Roberto Cavalli Eau de Parfum. Создаден е за жени кои сакаат да бидат забележани и кои преферираат да носат Cavalli фустани со анималистички принт. Мирисот е интензивно-ориентален, а воедно и флорален и е базиран врз ноти на цвет од портокал, кој ја симболизира италијанската женственост, сензуалност и екстравагантност. Исто така има и килибарско-ориентални нијанси на бензоин, розов бибер, тонка и ванила. Композицијата на парфемот е создадена од страна на Louise Turner од парфумерската куќа Givaudan. Шишенцето е заоблено и стаклено, украсено со капаче на кое ги има иницијалите на дизајнерот. Златните нијанси и леопардскиот принт го красат дизајнот на шишенцето и пакувањето. За брендот: Roberto Cavalli е италијански моден дизајнер, познат по дизајнираната секси облека и анималистички принтови. Роден во 1940 година со уметнички корени, Cavalli студира уметност, поточно текстилно печатење, вештина која ќе се покаже како многу вредна во неговата идна модна кариера. Cavalli разива специјална техника за печатење на кожа, создавајќи уникатни дизајни. Неговите иновации во принтот на кожа го привлекуваат вниманието во модниот свет, па во 1970 година во Париз ја претставува својата прва колекција подготвена за носење. До 1972 година, го отвора и својот прв бутик во Сен Тропе, каде Брижит Бардо му помага во популаризирање на неговата облека. Денес, брендот се продава во повеќе од 50 држави низ светот. Cavalli нуди машка облека, долна облека, додатоци, вотка и парфеми. Првиот парфем, Roberto Cavalli for Women е лансиран во 2002 година. Дизајнерот Roberto Cavalli има 38 парфеми во својата колекција. Најраното издание е лансирано во 2002 година, а најновото во 2017. Рок на траење по отварање на производот: 36 месеци