Marc Jacobs Daisy тоалетна вода за жени

Daisy е цветно-дрвенест мирис, свеж и женствен истовремено. Посветен е на софистицираните, заводливите и жени кои сјаат, кои истовремено се истакнуваат со својата едноставност. Тој е достапен во слатко шишенце, декорирано со маргаритки на капачето. Креаторот на овој мирис е Alberto Morillas. Шармантниот мирис Daisy милува со овошните ноти од јагода, интензивната зелена арома на листот од љубичица и зачинетиот црвен грејпфрут. Неговото срце бие во флорален ритам, компониран од свиленкасто опојната гарденија, нежна љубичица и ливчиња од цветот на јасмин. Во основата има бело дрво, ванила и мошус, кои даваат пудреста мекост на мирисот.

За брендот:

Marc Jacobs е американски моден дизајнер, роден на 9-ти април 1963 година. Како студент, благодарение на својот талент, Marc добива две Gold Thimble награди и награда за студент-дизајнер на годината. Тој исто така додека е се уште студент, ја создава и продава неговата прва линија на плетени џемпери. Во 1986 година, Jacobs ја претставува својата прва колекција со Marc Jacobs етикета, која го носи до друга награда, Perry Ellis наградата за нов моден талент. Jacobs се придружува кон Perry Ellis компанијата во 1988 година, а ја напушта во 1993. Jacobs се приклучува на Louis Vuitton како креативен директор во 1997 година и ја лансира неговата прва колекција подготвена за носење. Во 2001 година, Marc Jacobs во соработка со Coty, започнува да нуди и мириси. Првиот креиран мирис е Marc Jacobs for Women, проследен со Marc Jacobs for Men, лансиран во 2002 година. Неговиот популарен женски мирис Daisy, е лансиран во 2007 година и инспирира серија изданија потоа. Дизајнерот Marc Jacobs брои 76 парфеми во своето портфолио на мириси. Најстариот е лансиран во 2001 година, додека најновиот во 2017.

Рок на траење по отварање на производот: 36 месеци