Valentino Garavani и Giancarlo Giammetti во 1960-та година во Рим ја основаат Maison Valentino, италијанска модна куќа, која се одликува со романтични елементи, бои и врвни дизајни, а која станува позната по своето интернационално модно влијание.
Под водство на креативниот директор Pierpaolо Piccioli, од 2016-та година Maison Valentino создаде естетика на исклучителна современост и убавина. Комбинирајќи иновација со традиција, висока мода со улична култура, различни светови со различни временски периоди, интуиција со наследство, Valentino на Pierpaolо Piccioli е вистинска хармонија.
Valentino Beauty дојде на овој свет неоптеретен со конформизам. Како дел од новото светско лиценцирано партнерство со групацијата L’Oreal, Maison Valentino создава убавина која како на дете, ви овозможува повторно да сонувате. Тоа е визија дефинирана од неразделноста на убавината, бојата и вклученоста која Pierpaolo Piccioli ја прави за куќата Valentino, која е клучен дел од современата културна сцена.
ШТО АКО МИРИСОТ МОЖЕ ДА РАЗБУДИ ПОВЕЌЕ СЕТИЛА?
BORN IN ROMA линијата мириси за него и за неа ја нуди магијата на Рим на дланка.
Приказната започнува со родниот град на Valentino, Рим. Сеќавањата на минатото, културата и естетиката ги прекриваат ѕидовите на градот, додека римските улици се симбол за слободата на мислите.
Совршена основа за создавање авангардна мирисна приказна во која главната улога покрај Рим, ја имаат АРИСТОПАНКЕРИТЕ.
Кои се тие? Тоа се оние кои обичното го претвораат во извонредно.
Окарактеризирани како горди на своите корени, културата и вреднувањето на различноста. Споделувајќи ја убавината на индивидуалноста, наследената култура може повторно да се види. Според зборовите на креативниот директор на куќата Valentino, Pierpaolo Piccioli:
“НЕ МОРАШ ДА БИДЕШ РОДЕН ВО РИМ ЗА ДА СЕ ЧУВСТВУВАШ КАКО РИМЈАНИН”.
BORN IN ROMA е мирис за генерација која ја прифаќа различноста, ја цени посебноста и сака да ја слави истата во кругот на најблиските. Мирис кој истовремено го претставува поседувањето на величественоста на минатото и слободата на мислата на модерниот живот. Барање на правото на наследство, но со создавање свои правила.
Мирисната колекција Born in Roma ги претставува сите магии на Рим. Секоја од трите линии претставува една доба во Рим.
Born in Roma Pink го претставува изгревањето на сонцето кое ги буди сите сетила и кое нѐ тера да гледаме на животот со други очи.
Покрај розевата, жолтата боја е боја која најмногу се поврзува со Рим и нејзината приказна е вткаена во самото создавање на овој град. Неа ја претставува линијата Born in Roma Yellow Dream која е еден вид дијалог помеѓу минатото, сегашноста и иднината.
Денес ја претставуваме Born in Roma Coral Fantasy, повик за сонување и остварување на соништата во самракот на денот, златниот саат.
Рим во самрак. Како небото станува се помрачно, денот се претвора во ноќ и градот се менува. Преминувајќи ги улиците, денешните римјани ги наоѓаат своите места на терасите на кои ќе ја поминат вечерта. Небото наеднаш го менува градот и неговата митска архитектура ја покрива корално-портокалов сјај, нијанса на боја како ниту една друга.
Тоа е тој златен саат. Магијата може да започне. Valentino ве кани да уживате во овој момент.
Златниот саат е мирисната инспирација за Coral Fantasy, новата мирисна линија Born in Roma. Градот вибрира со моќта на обновената енергија, инспиративна и посилна. Овој златен саат ги повикува сите да се обноват, да ја изразат својата посебност и да ги ослободат своите соништа, желби и фантазии. Born in Roma Coral Fantasy, фантастичен свет кој ве очекува.
BORN IN ROMA – CORAL FANTASY DONNA
Со цел да ја долови бојата на оваа енергија во мирис, Valentino ги ангажираше парфимерите Nadège Le Garlantezec и Jacquesa Hucliera. Почнувајќи го своето мирисно патување во римскиот златен саат, тие создадоа овошно-цветна трага, родена во тој единствен корално-портокалов сјај, минувајќи низ тројната инспирација на Valentino: Color, Cool, Couture.
Како би се доловил моментот кога небото по прв пат се исполнува со корален сјај, есенцијата од портокал ги буди сетилата заедно со будењето на живописноста на светлината. Енергијата на нотите киви е надополнета од сочните ноти на портокал, како со боја, така и со својата пенливост и дава свежина која го симболизира разиграниот потенцијал на светлината додека во Рим полека настапува ноќта.
Пренесувајќи ја вжареноста на небесниот сјај, концентрираниот суперекстракт на шпанскиот јасмин со потекло од Индија, се помешува со мошусните и пудрести цветни ноти на есенција ambrette. Цветната срцевина ја пренесува целата сензуалност и посебност која златниот саат почнува да ја открива.
Разиграна и кремаста нота на есенција кедрово дрво од Тексас, чиј дрвенест карактер постепено се обвиткува во сладок и сензуален завршен сјај на бел мошус. Силно и сензуално будење, кое ја илустрира моќта на елементите.
BORN IN ROMA – CORAL FANTASY UOMO
Со цел да го интерпретира интензитетот на бојата на овој момент во мирис, Valentino ги ангажираше парфимерите Nicolasa Beaulieua и Jeana Christophea Héraulta. Инспирирајќи се од светло-темниот контраст на златниот саат, парот создаде ориентално-овошен мирис со дрвенести тонови, повторно поминувајќи низ поглавјата на Valentino: Color, Cool, Couture.
Како би се доловил моментот кога небото по прв пат се исполнува со корален сјај, есенцијата од портокал ги буди сетилата заедно со будењето на живописноста на светлината. Енергијата на нотите киви е надополнета од сочните ноти на портокал, како со боја, така и со својата пенливост и дава свежина која го симболизира разиграниот потенцијал на светлината додека во Рим полека настапува ноќта.
Со потекло од Прованса, ароматичната лаванда се меша со цветните, камфорни ноти на мускатна жалфија, а заедно се осветлени од нотите на гераниум бурбон од Мадагаскар. Оваа свежа ароматична срцевина ја илустрира моќта на оваа светлина.
Последната, завршна нота на зачаден килибарски тутун, остава завршен сјај на незаборавен шарм. Есенцијата пачули од Бали и ветивер од Хаити го загреваат овој апсолут од тутун давајќи му дрвенест, земјен мирис. Симболизирајќи го живописниот интензитет на самата портокалова боја, оваа силна нота изразува заводливост со своето мноштво фантазии.
Инспирирани од шарите врежани во каменот на римските палати, првично дизајнирани за кожени производи, нитната денес стана култен симбол на Maison Valentino. Украсувајќи ги чантите, јаките на кошулите или ремчињата на сандалите, панк карактерот на нитните стана препознатлив за брендот Valentino.
Препознатливите нитни даваат облик на кривините и линиите на шишињата на Donna и Uomo, повторно откриени во корална нијанса. Рефлектирајќи ја светлината, овие две призми ги распрснуваат своите корално-портокалови нијанси, како би го повикале единствениот сјај на небото, визуелна референца за овој момент и повик да го зграбите истиот.
Во ова ново поглавје на приказната Born in Roma, Adut Akech и Anwar Hadid одат рака под рака низ Рим. Од магичното изгрејсонце со Born in Roma, до сончево попладне во тајните градини на римска палата со Yellow Dream и сега, во златниот саат, парот стои под фонтаната Acqua Paola набљудувајќи го градот додека небото полека го покрива сјајот на коралната боја.
За неа, за него, за сите. Born in Roma е повик целосно да се изразите, да ги исполните сите соништа, желби и фантазии, било каде во светот, во било кое време.
— КРАЈ —
Hokuspokus на Rimmel Lasting Finish 25h течна пудра за лице
karamanovaaleksandra на Max Factor Pan Stik коректор за лице
Anonymous на Max Factor Brow Shaper молив за веѓи
Мартина на Rimmel Stay Matte камена пудра за лице
ivana.nacevska на Bourjois 123 Perfect течна пудра за лице
