Roberto Cavalli Florence

Roberto Cavalli Florence

 

Последните зраци на сонцето кое заоѓа, ги милуваат црвените покриви и златните фасади од камен, преобразувајќи ја Фиренца во жива симфонија на светлината. Облеана во овој сјај, таа самоуверено чекори по ридот, надгледувајќи го градот, несвесна за погледот кој ја следи со восхит

Најдлабоките корени на Roberto Cavalli лежат во Фиренца, каде е роден и израснат основачот на познатата италијанска модна куќа. До денешен ден, пејзажите и традициите на Тоскана остануваат постојан извор на инспирација за луксузниот бренд. Кога брендот одлучи да отвори ново поглавје во историјата на своите мириси, нормално дека се сврте повторно кон своето родно место.

Блескава ода за најрафинираните уметности, од скулптурирање до сликање, од архитектура до уредување, Фиренца е исто така позната и по нејзините прекрасни цвеќиња. Името Фиренца оргинално потекнува од латинскиот збор Florentia, што значи “цутење, процветување”. Фиренца е град на светлина и радост, кој хармонично ги балансира природата и културата, минатото и сегашноста, раскошот и радоста на живеењето.

Roberto Cavalli Florence жената ја рефлектира оваа прекрасна комбинација од смелост, убавина и сензуалност. Природно елегантна, безнапорно софистицирана, таа зрачи со шарм и самодоверба. Во секакви околности, таа е привлечна, заводлива, дури и без да забележи. Каде и да помине, нејзиното присуство го осветлува светот.

Сонцето зајде во експлозија од црвена и златна боја. Но, како таа чекори во миризливите градини, светлината како да ја следи, осветлувајќи го патот по кој таа чекори. Интензивирани од ноќта, деликатните мириси на природата ја милуваат нејзината кадифесто мека кожа и сјајна коса…

Roberto Cavalli Florence е создаден од страна на мастер парфимерот Marie Salamagne од парфимерската куќа Firmenich. За да ја создаде оваа Chypre-килибар комбинација, таа црпи инспирација од тосканската околина и создава хармонии кои го доловуваат урбаниот амбиент и софистицираност на Фиренца.

Во својата срцевина, блескав и расцветан букет, помешан со нежни цветови од портокал и малку горчливи листови од грејпфрут. Како почит кон Фиренца, градот на цвеќињата, оваа деликатна комбинација е истакната со мошусни хибискус семиња, кои додаваат доза егзотичност и мистериозност.

Оваа цветна симфонија е збогатена со благопријатна овошна горна нота, која перфектно ја илустрира великодушноста на Roberto Cavalli Florence. Неговите контрастни ноти од слатка црна рибизла и малку екстракт од мандарина, создаваат чудесна експлозија од живот и енергија.

Мирисот кој најмногу се задржува е изграден врз основа на богатата Chypre нота: сензуалниот мошус и блескавиот килибар нудат идеален контраст кон омилениот мирис на Marie Salamagne, хипнотизирачкиот пачули.

Шишенцето на Roberto Cavalli Florence е извонредна комбинација која ги вклопува класичната елеганција и модерната чувствителност. Поради неговата заоблена форма, компактниот дизајн и тешкото стакло, да се поседува овој парфем претставува вистинско задоволство. Вдлабнатите страни на уметнички начин ја фаќаат светлината, рефлектирајќи ја како призма. Поставеноста на пурпурното стакло и транспарентните мотиви, допридонесуваат за префинетоста на ова вистинско уникатно шишенце. Дискретниот Roberto Cavalli монограм го краси врвот на капачето на шишенцето.

Маѓепсан, тој и се восхитува како што таа чекори во градината. Никогаш претходно не видел таква грациозност и самоувереност. Блескава и заносна, таа е божица која го маѓепсува неговото срце и душа. Не можејќи да одолее, тој чекори кон неа, инстинктивно носен од нејзината внатрешна светлина…

 

Како секој одличен парфем, и Roberto Cavalli Florence има приказна за раскажување. Приказна за фасцинација и желба, која се одвива во тајните градини на фиренска палата. Снимен од страна на Nicolas Garnier, филмот ја прикажува Shlomit Malka, заштитното лице на новиот парфем. Младата моделка Schlomit запрепастува со својата појава, раскошната брановидна коса и прекрасните сино-зелени очи. И што е најважно, таа поседува шарм и природна елеганција која ја дефинира Roberto Cavalli Florence жената.

Елегантен, но сензуален, темно виолетовиот фустан кој таа го носи е директно инспириран од Roberto Cavalli Florence мирисот и дизајниран специјално да ја долови Florence жената. Додека долгото здолниште потсетува на традиционална балска тоалета, горниот дел од фустанот целосно ги открива голите раце и грб на моделот. Принтот на ткаенината и змиските украси на појасот и на прерамките на фустанот, се верни на Roberto Cavalli универзумот.

Истакната од овој прекрасен фустан, убавината на Florence жената ја осветлува ноќта, носејќи не далеку од темнината…

 

Слични

ИЗРАЗЕТЕ ГО ВАШЕТО ВНАТРЕШНО ‘ЈАС’ СО BOSS BOTTLED INFINITE

Партнер, татко, пријател, колега. Мажот на Денешницата има различни улоги во неговиот живот.
Повеќе

Шминка за рејувенација

Еликсир во соработка со Виктор Мирчевски ви го претставува второто видео за шминка наменето за дами во зрели години. Научете трикови за лифтинг ефект. Како сте го постигнале резултатот ќе остане наша тајна.  
Повеќе

Производи во кошничка

Кошничката е празна

Врати се назад
Search for:

Оваа веб страна користи cookies. повеќе информации

Оваа страна е сетирана да дозволува користење на cookies, се со цел да ви овозможи подобар и побрз пристап. Доколку породолжите да ја користите страната без да ги промените сетинзите или кликнете на Прифаќам тоа значи дека се согласувате со условите.

Затвори